23. apríl

MÁLSTOFA UM ÍÞRÓTTASTARF UPPSVEITANNA

Sunnudaginn 27. apríl kl. 13–16 verður haldin málstofa í Aratungu þar sem sjónum verður beint að því hvernig við getum stækkað og þróað íþróttastarf í Uppsveitum. Við fáum til okkar góða gesti, þar á meðal fulltrúa félaga og sveitarstjórna, auk annarra áhugasamra um framtíð íþrótta á svæðinu. Sérstakir gestafyrirlesarar verða Vésteinn Hafsteinsson, afreksstjóri ÍSÍ, og Jóhann Á. Ólafsson, forstöðumaður íþróttamannvirkja í Grindavík, sem deila með okkur reynslu sinni og sýn á uppbyggingu og árangur.

Eftir innlegg þeirra verður þátttakendum boðið að taka virkan þátt í umræðum og skapandi hugmyndavinnu um leiðir til að efla íþróttastarf í Uppsveitum.

Dagskrá málstofunnar:

13:00 – 13:15
Gunnar Gunnarsson
• Setning og kynning á dagskrá

13:15 – 14:00
Jóhann Á. Ólafsson, forstöðumaður íþróttamannvirkja í Grindavík
• Grindavíkurleiðin – reynsla og lærdómar

14:00 – 14:15
Kaffihlé og spjall

14:15 – 15:00
Vésteinn Hafsteinsson, afreksstjóri ÍSÍ
• Áfram Ísland – samvinna til árangurs

15:00 – 16:00
Vinnustofa: Hvernig stækkum við og þróum íþróttastarfið í Uppsveitunum?
Gunnar Gunnarsson fer yfir núverandi stöðu íþróttastarfs og kynnir umræðuspurningar til grundvallar borðavinnu.

Unnið verður með eftirfarandi þrjú þemu:

1. Íþróttaaðstaða í Uppsveitum

• Hvernig er staðan í dag?

• Hvað má bæta?

• Hvernig má nýta núverandi aðstöðu betur?

2. Starf íþróttafélaga

• Hver er staðan í barna-, unglinga- og afreksíþróttum?

• Hverjar eru áskoranirnar og hvaða tækifæri eru til staðar?

3. Framtíðarsýn

• Hvernig lítur draumasýnin út?

• Hver eru næstu skref?

16:00 Málstofu líkur

Við hvetjum alla sem láta sig varða þróun og framtíð íþróttastarfs í Uppsveitunum til að mæta og taka virkan þátt í málefnalegri umræðu og skapandi vinnu. Saman getum við mótað sterka framtíðarsýn og fundið raunhæfar leiðir til að efla íþróttalíf svæðisins til hagsbóta fyrir alla aldurshópa.