15. janúar

Ferðaþjónustuvikan 2025

Ferðaþjónustuvikan 2025 hófst í gær þriðjudaginn 14. janúar og stendur fram á fimmtudag. Viðburðurinn, sem skipulagður er af Markaðsstofum landshlutanna, Íslenska ferðaklasanum, Samtökum ferðaþjónustunnar, Ferðamálastofu og Íslandsstofu, er ætlaður til að auka vitund um mikilvægi ferðaþjónustu og efla samstarf og fagmennsku í greininni.

Dagskrá Ferðaþjónustuvikunnar 2025:

14. janúar:

  • Kl. 8:30-10:00: Nýársmálstofa ferðaþjónustunnar – KPMG Borgartúni
  • Kl. 13:00-14:30: Markaðssamtal ferðaþjónustunnar – Gróska
  • Kl. 14:30-16:00: MICELAND kynningarvettvangur – Gróska

15. janúar:

  • Kl. 9:30-12:00: Dagur ábyrgðar í ferðaþjónustu – Gróska
  • Kl. 12:30-14:50: Ferðatæknimót – Berjaya Reykjavík Natura
  • Kl. 15:00-17:00: Hvað vitum við um slys í ferðaþjónustu? – Berjaya Reykjavík Natura

16. janúar:

  • Kl. 12:00-17:00: Mannamót markaðsstofa landshlutanna – Kórinn
  • Kl. 20:00-21:30: Lokaviðburður – Telebar Parliament Hotel

Mannamótin í Kórnum – Suðurland í lykilhlutverki
Á miðvikudaginn verða Mannamót markaðsstofa landshlutanna haldin í Kórnum. Mannamótin eru mikilvægur vettvangur fyrir ferðaþjónustuaðila til að kynna vörur sínar og þjónustu, efla tengslanetið og vinna að nýjum samstarfsverkefnum. Suðurland leikur stórt hlutverk í ár þar sem fjöldi ferðaþjónustufyrirtækja frá svæðinu hefur skráð sig til þátttöku. Skráning er nú þegar hafin og þátttaka góð, en áhugasamir geta enn skráð sig á heimasíðu Markaðsstofu Suðurlands.

Áhersla á áfangastaðaáætlanir Suðurlands
Á Suðurlandi hefur áfangastaðaáætlun verið í forgrunni til að stuðla að sjálfbærri og ábyrgri þróun ferðaþjónustunnar í sátt við náttúru og samfélag. Þessi vinna hefur skilað miklum árangri og verður áfram til umræðu á Ferðaþjónustuvikunni.

Ferðaþjónustuvikan er mikilvægur viðburður fyrir alla þá sem vilja taka virkan þátt í að móta framtíð ferðaþjónustunnar. Við hvetjum ferðaþjónustuaðila á Suðurlandi og aðra sem hafa áhuga á að kynna sér hvað er í boði til að nýta þetta tækifæri og taka þátt.

Nánari upplýsingar og skráning má finna á heimasíðu Ferðamálastofu.

 

« Til baka