Sumartónleikar í Skálholti


Nú eru Sumartónleikar í Skálholti að ræsa vélina og fyrsta tónleikavikan að hefjast. Marco Fusi er ítalskur fiðlusnillingur sem leikur stórt hlutverk í þessari fyrstu tónleikaviku, en líka staðartónskáld Sumartónleikanna, þær Bergrún Snæbjörnsdóttir og Bára Gísladóttir. Caput hópurinn og fleiri listamenn koma einnig við sögu og sem dæmi má nefna að tvö erlend tónskáld koma til Íslands til að fylgja eftir verkum sínum, þeir Carlo Ciceri frá Ítalíu og Esaias Järnegard frá Svíþjóð.

Marco Fusi hefur starfað með mörgum af frægustu tónlistarmönnum álfunnar á sviði nútímatónlistar. Hann hefur einnig endurvakið áhuga á viola d‘amore hljóðfærinu og frumflutt fyrir það ný verk. Fjögur ný verk fyrir viola d‘amore og rafhljóð eru meðal þess sem verður frumflutt í næstu viku í Skálholti. Marco Fusi hefur á ferli sínum m.a. frumflutt verk eftir  Billone, Sciarrino, Eötvös, Cendo og Ferneyhough og komið fram með stjórnendunum Pierre Boulez og Lorin Maazel. Hann er tíður gestur leiðandi hópa í samtímatónlist s.s. Klangforum Wien, MusikFabrik, Meitar Ensemble, Mivos Quartet, Ensemble Linea, Interface (Frankfurt), Phoenix (Basel) and Handwerk (Köln).

Fyrstu tónleikarnir, sem bera yfirskriftina Endurreisn, fara fram í Oddsstofu í Skálholtsbúðum á þriðjudagskvöldið og hefjast klukkan 20. 

Hér fyrir neðan eru einnig upplýsingar um tónleikahaldið 7.-8. júlí

 

NÝTT AF NÁLINNI

Þriðjudagur 3. júlí
20:00
ENDURREISN
Norræn verk fyrir 
​viola d'amore
Tónleikar með Marco Fusi, sérstökum gesti Caput-hópsins  og Sumartónleikanna.
Verk eftir Ylvu Lund-Bergner, Øyvind Mæland, Axel Rudebeck og 
Johan Svensson. Í Oddsstofu.


Laugardagur 7. Júlí

13:00 Viola d‘amore á vorum dögum

Marco Fusi flytur erindi.

14:00
BRÆÐINGUR
Hljóðfæri og rafhljóð
Marco Fusi leikur fiðlusóló eftir Pierluigi Billone og frumflytur verk eftir Báru Gísladóttur, Bergrúnu Snæbjörnsdóttur, Halldór Smárason og Þráin Hjálmarsson fyrir viola d'amore og rafhljóð. 

16:00
SAMSPIL

Marco Fusi og Caput
Frumflutningur á Skeyti frá glerskurðarmanninum eftir Atla Ingólfsson.
Einnig verður frumflutt  ný útgáfa á
Vana e d' amore  fyrir viola d‘amore og kammerhóp eftir ítalska tónskáldið Carlo Ciceri. Á tónleikunum hljómar einnig verkið Pharos eftir Esaias Järnegard frá Svíþjóð.

 

Sunnudagur 8. júlí

14:00
AMORE TÓNAR OG FLEIRI FRAMANDI HLJÓР 
Marco Fusi og
Caput-hópurinn

Blönduð efnisskrá. Verkin sem frumflutt voru á laugardeginum verða endurtekin.


Almennt um Sumartónleikana 2018

Tónlistarhátíð í fertugasta og þriðja sinn.

Nú er tími Sumartónleika í Skálholti að renna upp og fjölbreytt efnisskrá er í boði.

Tónleikahelgarnar hjá okkur verða fjórar í sumar. Við byrjum með tónleikum þriðjudaginn 3. júlí og svo rekja viðburðirnir sig áfram um helgar, fram að Skálholtshátíð um miðjan júlí, en þá er gert hlé á Sumartónleikunum, sem hefjast aftur þann 27. júlí og lýkur um verslunarmannahelgina.

Tvær ungar konur eru staðartónskáld í ár, þær Bergrún Snæbjörnsdóttir og Bára Gísladóttir.

Dagskráin 2018 er trú fyrri markmiðum Sumartónleika í Skálholti og lögð áhersla á nýsköpun og frumflutning annars vegar og svo hins vegar á flutning barokktónlistar á upprunaleg hljóðfæri. Fjöldi innlendra og erlendra  listamanna kemur fram í sumar. Alls er gert ráð fyrir um tuttugu viðburðum á Sumartónleikunum.

 

Menningarupplifun og náttúra

Sumartónleikarnir njóta vaxandi vinsælda sem afþreying fyrir ferðamenn og mörgum þykir viðkoma í Skálholtskirkju til að hlusta á lifandi tónlist, auka og dýpka upplifunina þegar ferðast er um Suðurland og ekki er verra að þessi upplifun standi fyrir sínu, óháð veðri. Auk þess njóta tónleikagestir þess að ekki er tekinn aðgangseyrir á Sumartónleikana þótt tekið sé við frjálsum framlögum.

 

Í næstu viku Caput og Marco Fusi

Hér fylgir strengur á dagskrána okkar og vek ég athygli nú í upphafi á heimsþekktum gesti Marco Fusi í næstu viku. Marco Fusi hefur starfað með mörgum af frægustu tónlistarmönnum álfunnar á sviði nútímatónlistar. Hann hefur einnig endurvakið áhuga á viola d‘amore hljóðfærinu og frumflutt fyrir það ný verk. Fjögur ný verk fyrir viola d‘amore og rafhljóð eru meðal þess sem verður frumflutt í næstu viku í Skálholti. Marco Fusi hefur á ferli sínum m.a. frumflutt verk eftir  Billone, Sciarrino, Eötvös, Cendo og Ferneyhough og komið fram með stjórnendunum Pierre Boulez og Lorin Maazel. Hann er tíður gestur leiðandi hópa í samtímatónlist s.s. Klangforum Wien, MusikFabrik, Meitar Ensemble, Mivos Quartet, Ensemble Linea, Interface (Frankfurt), Phoenix (Basel) and Handwerk (Köln).

http://www.sumartonleikar.is/dagskraacute.html

Á annarri helgi Sumartónleikanna verða fluttar tvær kantötur eftir Johann Sebastian Bach með sönghópnum Cantoque Ensemble og Bachsveitinni. Að auki verða þá tónleikar til minningar um Þorkel Sigurbjörnsson.

Á þriðju helgi verður Barokkbandið Brák í stóru hlutverki, einnig Corpo di Strumenti.

Á lokahelginni verður sjónum m.a. beint að konum í tónlist og er sú helgi í höndum Nordic Affect kammerhópsins. Einnig koma þar fram Sólveig Thoroddsen hörpuleikari og Sergio Coto Blanco.lútuleikari.

Við munum svo senda fréttatilkynningar í upphafi hverrar viku fyrir sig.

Nánari upplýsingar um okkur á heimasíðu Sumartónleikanna, sumartonleikar.is  og á  ensku http://en.sumartonleikar.is/

Allar nánari upplýsingar veitum við fúslega.

Margrét Bóasdóttir sími 8561531 netfang: margret.boasdottir@gmail.com er formaður stjórnar Sumartónleikanna.

Kolbeinn Bjarnason ( sími: 897 8577 netfang: kolb@simnet.is)  meðstjórnandi og Tryggvi Baldvinsson einnig.  

Nánari upplýsingar um Sumartónleikana er að finna á heimasíðu, http://www.sumartonleikar.is/

 

Við þökkum innilega kynningu og alla velvild í garð Sumartónleikanna.
Bestu kveðjur,
Guðrún Birgisdóttir

Framkvæmdastjóri/Manager
Sumartónleikar í Skálholtskirkju
Marbakkabraut 28, 200 Kópavogur
+354 8240638

 

 

 

« Til baka