Sumartónleikar í Skálholti dagskrá Verslunarmannahelgina

Síðasta tónleikahelgi Sumartónleika í Skálholti er um verslunarmannahelgina og verða fyrstu tónleikarnir haldnir föstudagskvöldið 3. ágúst klukkan 20. Þar koma fram Sólveig Thoroddsen hörpuleikari og lútuleikarinn Sergio Coto Blanco, sem er fæddur í Kosta Ríka. Sólveig og Sergio starfa bæði í Þýskalandi og eiga að baki langt nám í sögulega upplýstum tónlistarflutningi. Efnisskrá þeirra spannar þrjár aldir, elstu verkin frá 14.öld og höfundarnir ítalskir, enskir og franskir, en einnig flytja hljóðfæraleikararnir eigin útsetningar á íslenskum þjóðlögum. Þessir tónleikar verða endurteknir laugardaginn 4. ágúst klukkan 14.

Konur í öndvegi.

Laugardaginn 4. ágúst klukkan 16 leikur hinn margverðlaunaði kammerhópur Nordic Affect efnisskrána „Hún“. Eru þeir tónleikar tileinkaðir tónlist kvenna og verður leikin barokktónlist á upprunahljóðfæri. Þessi efnisskrá verður endurtekin sunnudaginn 5. ágúst klukkan 14. Sama dag  klukkan 16 flytur Nordic Affect efnisskrána " „Fjórar fabjúlöss“.  með nýjum verkum eftir staðartónskáld Sumartónleikanna þær Báru Gísladóttur og Bergrúnu Snæbjörnsdóttur, auk verka eftir víetnamska tónskáldið Luong Hue Trinh og Veronique Vöku frá Kanada. Starf Nordic Affect einkennist af nýstárlegri nálgun og frumleika í verkefnavali en hópurinn hefur frá upphafi flutt allt frá danstónlist 17. aldar til raftónlistar okkar tíma. Nordic Affect hefur haldið tónleika víða um lönd og má einnig finna leik hópsins á hljómdiskum. Í október er væntanlegur hljómdiskurinn H e (a) r með hópnum í útgáfu Sono Luminus. Nordic Affect er skipað Höllu Steinunni Stefánsdóttur og Antina Hugosson fiðluleikurum, Steinunni Arnbjörgu Stefánsdóttur sellóleikara og Guðrúnu Óskarsdóttur semballeikara. 

Ókeypis er á Sumartónleika í Skálholti. Nánari upplýsingar er að finna á http://www.sumartonleikar.is/

 

Tónlistarhátíð í fertugasta og þriðja sinn.

Tvær ungar konur eru staðartónskáld í ár, þær Bergrún Snæbjörnsdóttir og Bára Gísladóttir.

Dagskráin 2018 er trú fyrri markmiðum Sumartónleika í Skálholti og lögð áhersla á nýsköpun og frumflutning annars vegar og svo hins vegar á flutning barokktónlistar á upprunaleg hljóðfæri. Fjöldi innlendra og erlendra  listamanna kemur fram í sumar. Alls er gert ráð fyrir um tuttugu viðburðum á Sumartónleikunum.

Menningarupplifun og náttúra

Sumartónleikarnir njóta vaxandi vinsælda sem afþreying fyrir ferðamenn og mörgum þykir viðkoma í Skálholtskirkju til að hlusta á lifandi tónlist, auka og dýpka upplifunina þegar ferðast er um Suðurland og ekki er verra að þessi upplifun standi fyrir sínu, óháð veðri. Auk þess njóta tónleikagestir þess að ekki er tekinn aðgangseyrir á Sumartónleikana þótt tekið sé við frjálsum framlögum.

Hér fylgir strengur á dagskrána okkar http://www.sumartonleikar.is/dagskraacute.html

Á lokahelginni verður sjónum m.a. beint að konum í tónlist og er sú helgi í höndum Nordic Affect kammerhópsins. Einnig koma þar fram Sólveig Thoroddsen hörpuleikari og Sergio Coto Blanco.lútuleikari.

Nánari upplýsingar um okkur á heimasíðu Sumartónleikanna, sumartonleikar.is  og á  ensku http://en.sumartonleikar.is/

Allar nánari upplýsingar veitum við fúslega.

Nánari upplýsingar um Sumartónleikana er að finna á heimasíðu, http://www.sumartonleikar.is/

Bestu kveðjur,

Guðrún Birgisdóttir

Framkvæmdastjóri/Manager
Sumartónleikar í Skálholtskirkju
Marbakkabraut 28, 200 Kópavogur
+354 8240638

 

 

 

« Til baka