Viðburður

Skálholt viðburðir þrjú sumarkvöld

Þrjú sumarkvöld þar sem sérfræðingar á ýmsum sviðum mæta og fræða gesti. 

Í tilefni af 100 ára afmæli fullveldis Íslands stendur Skálholtsstaður fyrir röð viðburða þar sem boðið verður upp á ýmsan fróðleik sem tengist sögu staðarins.

Við fáum til okkar Guðríði Helgadóttir garðyrkjufræðing 20. júní, sem ætlar að ganga um nágrenni Skálholtsstaðar og fræða okkur um ýmsar tegundir plantna, ekki síst þær sem tilheyra íslensku flórunni.Opið öllum, endilega mæta með bók um flóru íslands, og ykkur er velkomið að fá ykkur kaffisopa á undan eða eftir þennan viðburð.

Fimmtudaginn 21. júní mun Jóhann Óli Hilmarsson, formaður Fuglaverndar og höfundur Fuglavísis, leiða fuglaskoðun í Skálholti. Varptíminn stendur sem hæst og má búast við að sjá ýmsa algenga mófugla og skógarfugla í göngunni. Jóhann Óli mun jafnframt segja frá fuglalífi í Tungunum og benda á helstu skoðunarstaði. Hafið með ykkur sjónauka.

Miðvikudaginn 4. júli ætlar Bjarni Harðarson að bjóða uppá sögugöngu. Bjarni er bóksali á Selfossi, fyrrverandi blaðaútgefandi og var alþingismaður um skamma hríð. Hann er fjögurra barna faðir, Tungnamaður, óforbetranlegur fornaldardýrkandi, þjóðfræðinemi og umhverfissinni fram í fingurgóma.

« Til baka